Gjermania dhe Franca përkrahin vendimin për pezullimin e projektit 7,8 milionësh në Veri

17:51 | 26 Korrik 2017
Arbresh.info

Gjermania dhe Franca, përmes një komunikate për media, i ka dhënë mbështetje të plotë vendimit të Përfaqësueses speciale të Bashkimit Evropian në Kosovë, Nataliya Apostolova, për pezullimin e mbështetjes financiare prej 7,8 milionë euro për Mitrovicën e veriut për projektin e ndërtimit të qendrës kulturore dhe projektin e ndërtesës së re të universitetit.

Në këtë komunikatë, të lëshuar nga Ambasada e Francës në Prishtinë edhe në emër të Ambasadës Gjermane, thuhet se në të vërtetë, “zyra e BE-së thekson se autoritetet lokale nuk i respektuan kushtet për të cilat ishin rënë dakord reciprokisht, largimi i ndërtimeve pa leje dhe qasja e lirë në të gjitha vendpunishtet”.

“Shfrytëzimi i fondeve të BE-së të siguruara për të mirën e popullatës lokale duhet të jetë transparent dhe të mbikëqyrura, duke përmbushur gjithashtu edhe kushtet e përcaktuara në kontratën ndërmjet Komunës së Mitrovicës dhe Zyrës së BE-së”, përfundon komunikata e Ambasadave.

Shpërndaje në rrjete sociale

Lajmet më të lexuara

Të ngjashme

Foto lajm